लग्न ठरत नसल्याच्या मानसिक तणावातून युवकाची आत्महत्या : केले विषप्राशन :;पिरनवाडीतील हृदयद्रावक घटना

बेळगाव ( bn7 news) : लग्न ठरत नसल्याच्या मानसिक तणावातून विष प्राशन केलेल्या त्या युवकाचा अखेर मृत्यू झाला. 30 मार्चला त्याने विषप्राशन केल्यानंतर त्याला उपचारासाठी इस्पितळात दाखल करण्यात आले होते. त्याच्यावर जिल्हा रुग्णालयात उपचार सुरू होते. मात्र, उपयोग झाला नाही. पाच दिवसांनी त्याची प्राणज्योत मालवली.

लग्न ठरत नसल्याने निराश होऊन पिरणवाडी येथील 32 वर्षीय युवकाने 30 मार्चला विष प्राशन करून आत्महत्या करण्याचा प्रयत्न केला होता. उपचारादरम्यान त्याचा सिव्हिल हॉस्पिटलमध्ये मृत्यू झाला. ही घटना बेळगाव ग्रामीण पोलीस स्थानकाच्या हद्दीत घडली आहे.

मृत युवकाचे नाव बसवराज वीराप्पा जुलपी असे असून तो मूळचा हिरेनंदिहळ्ळी (ता. कितूर) येथील रहिवाशी आहे. सध्या तो मारुतीनगर, पिरनवाडी येथे वास्तव्यास होता.

30 मार्च रोजी दुपारी त्याने विष प्राशन केले होते. त्यानंतर तातडीने त्याला उपचारासाठी सायंकाळी सिव्हिल हॉस्पिटलमध्ये दाखल करण्यात आले. मात्र, उपचारादरम्यान शुक्रवारी मध्यरात्रीनंतर त्याचा मृत्यू झाला.

या प्रकरणी बेळगाव ग्रामीण पोलीस स्थानकात नोंद झाली असून, अधिक तपास सुरू आहे.