राखेने भरलेला ट्रक विजेच्या खांबावर आदळून झाला पलटी

चिक्कोडी : चालकाचे वाहनावरील नियंत्रण सुटल्याने राखेने भरलेला ट्रक रस्त्यालगतच्या विजेच्या खांबावर आदळून पलटी झाला. ही घटना चिक्कोडी तालुक्यातील हिरेकोडी-चिक्कोडी मार्गावर घडली. सुदैवाने या अपघातात कोणतीही जीवितहानी झाली नाही.

मिळालेल्या माहितीनुसार, हिरेकोडी-चिक्कोडी मार्गावरून जात असताना चालकाचा ट्रकवरील ताबा सुटला. त्यामुळे ट्रक रस्त्याच्या कडेला असलेल्या विजेच्या खांबावर जोरात आदळला. धडकेमुळे विजेच्या खांबाचे नुकसान झाले असून ट्रक रस्त्यालगतच्या शेतात जाऊन पलटी झाला.
ट्रक पलटी होऊनही चालक आणि क्लिनर यांना किरकोळ दुखापत झाली असून ते थोडक्यात बचावले. अपघाताच्या वेळी रस्त्यावर इतर वाहनांची वर्दळ नसल्याने मोठी दुर्घटना टळली.