कुमारस्वामी म्हणताहेत, ' 2028 ला राज्यात आघाडीचे सरकार '

हसन : 2028 मध्ये कर्नाटक राज्यात आघाडीचे सरकार येईल, असे ठोस वक्तव्य केंद्रीय मंत्री एच. डी. कुमारस्वामी यांनी केले आहे. 

 सिद्धरामय्या नसते, तर राज्यात काँग्रेस केव्हाच संपली असती, असे बोलताना सिद्धरामय्या यांना राजकीय व्यासपीठावरून संपविण्याचा व्यवस्थित डाव मांडला गेला असेही कुमारस्वामी यावेळी बोलताना म्हणाले.
 सिद्धरामय्या यांना हेतुपुरस्सर  संपविण्यात आले पण तेतोंड का उघडत नाहीत याचे आश्चर्य वाटते, असेही कुमारस्वामी म्हणाले.

स्टिंग ऑपरेशन करणाऱ्या व्यक्तीला राज्य सरकार पाठीशी का घालत आहे ?  असा सवाल करीत या प्रकरणाची चौकशी न्यायाधीशामार्फत करावी अशी मागणीही कुमारस्वामी यांनी यावेळी बोलताना केली.
त्या व्यक्तीची ‘चौकशी करण्यासाठी आणखी कोणत्या कागदपत्रांची गरज आहे ? असा सवालही कुमारस्वामी यांनी केला आहे.

अनेक नेत्यांवर स्टिंग ऑपरेशन करण्यात आले आहे. अशाप्रकारे काँग्रेसने ज्येष्ठ आमदारांची तोंडे बंद केली आहेत. माजी पंतप्रधानांबद्दल एकतर्फी बोलले जाते. हा सारा प्रकार पाहता काँग्रेस सरकार कुठे चालले आहे, असा प्रश्न पडतो, असे राजन्ना यांनी यावेळी बोलताना म्हटले आहे.