दोन संशयित दहशतवाद्यांना अटक ..!

तुमकूर  : देशाच्या सुरक्षेला धोका पोहोचविण्याच्या कटात सहभागी असल्याच्या संशयावरून तुमकूर पोलिसांनी दोघांना ताब्यात घेतले आहे. 

हे दोघे संशयीत इन्स्टाग्रामद्वारे पाकिस्तानातील एका संशयित दहशतवाद्यासोबत सातत्याने संपर्कात होते, असे केंद्रीय तपास यंत्रणेकडून सांगण्यात येते. 
या दोघांपैकी अल्ला बक्ष नामक 24 वर्षीय तरुण तुमकूर शहरातील श्रीरामनगर येथील रहिवासी आहे. तुमकूर शहर पोलीस ठाण्याचे निरीक्षक अविनाश आणि त्यांच्या पथकाने कारवाई करत त्याला तुमकूरच्या क्यातसंद्र परिसरातून ताब्यात घेतले. दुसऱ्या संशयिताची माहिती उपलब्ध होऊ शकलेली नाही. 

या प्रकरणाचा पुढील तपास सुरू असून, संशयितांच्या संपर्कांचे आणि त्यांच्या हालचालींचे सखोल परीक्षण करण्यात येत आहे.