शिवारात आढळला मृतदेह : दगडाने ठेचून करण्यात आलाय खून !

बेळगाव ( bn7 news) : 48 वर्षीय व्यक्तीचा दगडाने ठेचून खून करण्यात आल्याची घटना खानापूर-एम के हुबळी मार्गावर खानापूर तालुक्यातील गाडीकोप गावच्या हद्दीत उघडकीस आली आहे.

शिवनगौडा इरनगौडा पाटील ( राहणार बलोगा, तालुका खानापूर) असे त्या व्यक्तीचे नाव असून गाडीकोप गावच्या हद्दीतील शिवारात त्याचा मृतदेह मिळाला आहे. मृताचा भाऊ सन्नगौडा इरनगौडा पाटील याने खानापूर पोलीस स्थानकात याबाबत तक्रार दिली आहे.

दास्तीकोप्प येथे शिवनगौडा याची मेव्हणी राहते. गावची यात्रा सुरू असल्याने शिवनगौडा आपल्या पत्नीसह मेव्हनीकडे यात्रेसाठी आला होता. काल मंगळवार दिनांक 1 एप्रिल 2025 रोजी पत्नी आणि मेहुणीला त्याने आपल्या गावी बलोगा येथे जाऊन येतो असे सांगून रात्री तो मेव्हणीच्या घरातून बाहेर पडला. पण तो बलोग्याला पोहोचलाच नाही.
बुधवारी सकाळी त्याचा मृतदेह गाडीकोप गावच्या इराप्पा जोळद यांच्या शेतवडीत आढळला.
कोणा अज्ञाताने शिवनगौडा याची दगडाने ठेचून हत्या केल्याचे दिसून आहे. त्याच्या डोक्यावर व डाव्या बाजूच्या कानावर दगडाने वार करण्यात आले होते.

खानापूर पोलीस स्थानकात गुन्ह्याची नोंद झाली असून खानापूर पोलीस स्थानकाचे पीआय एल एच गवंडी व पीएसआय एमबी बिरादार याचा तपास करीत आहेत