उभ्या टिप्परला कँटरची धडक :  दोघांचा जागीच मृत्यू

धारवाड : उभ्या असलेल्या टिप्परला मागून आलेल्या कँटरने जोरदार धडक दिली. या अपघातात दोघा जणांचा जागीच मृत्यू झाला. 
धारवाड तालुक्यातील तेगूरजवळ राष्ट्रीय महामार्गावर ही घटना घडली.

टिप्परचे चाक पंक्चर झाल्याने तेगूरजवळ राष्ट्रीय महामार्गावर टिप्पर उभी करून हळेतेगूर येथील रहिवासी शन्मुखा जोगी हा टिप्पर चालक टायर पंक्चर काढत होता. यावेळी भरधाव वेगाने येणाऱ्या कँटर चालकाला याचा अंदाज आला नाही. आणि कँटर चालकाने उभ्या असलेल्या टिप्परला मागू जोरदार धडक दिली. 
या भीषण अपघातात टायर बदलत असलेले शन्मुखा जोगी यांचा जागीच मृत्यू झाला. तसेच कँटर चालक सागर सरोज (रा. उत्तर प्रदेश) यांचाही धडकेनंतर जागीच मृत्यू झाला.
घटनेची माहिती मिळताच गराग पोलीस ठाण्याचे पीएसआय प्रवीण गंगोळ आणि त्यांच्या पथकाने घटनास्थळी भेट देऊन पाहणी केली. याप्रकरणी पोलीस ठाण्यात गुन्हा दाखल करण्यात आला असून पुढील तपास सुरू आहे.