गोकाकमध्ये एकाची आत्महत्या : आत्महत्येआधी लिहून ठेवलीय डेथनोट ..!

बेळगाव :  गोकाक तालुक्यातील बेंडिगेरी गावात एका व्यक्तीनेगळफास लावून आत्महत्या केली आहे.  त्याने आत्महत्या करण्याआधी एक डेथ नोट लिहून ठेवली असून त्यामध्ये त्याने आत्महत्येचे कारण आणि करणीभूतांची नावे नमूद केल्याचे समजते.

 रवींद्र दानव्वगोळ असे आत्महत्या केलेल्या व्यक्तीचे नाव असून आत्महत्येपूर्वी लिहून ठेवलेल्या चिठ्ठीत त्यांने आपल्या जीवितास धोका असल्याने हा टोकाचा निर्णय घेत असल्याचे नमूद केल्याचे  बोलले जाते. 
त्याने दोघांकडून 8 लाख रुपये कर्ज घेतल्याचा आणि कर्जाची परतफेड करण्यासाठी त्याला वारंवार जीवे मारण्याच्या धमक्या दिल्या जात होत्या. याबाबत पोलिसांकडे तक्रार करूनही न्याय मिळाला नसल्याचे त्याने चिठ्ठीत लिहून ठेवल्याचे समजते.
 घटनेची माहिती मिळताच कुटुंबीयांनी एकच आक्रोश केला.
घटनेची माहिती मिळताच मुडलगी पोलीस ठाण्याचे अधिकारी घटनास्थळी दाखल झाले आणि पंचनामा केला. मृताच्या पत्नीने दिलेल्या तक्रारीवरून मुडलगी पोलीस ठाण्यात गुन्हा दाखल करण्यात आला असून, पुढील तपास सुरू आहे.