गळफास घेऊन उपतहसीलदाराची आत्महत्या ..!

हासन : 52 वर्षीय उपतहसीलदाराने गळफास लावून घेऊन आत्महत्या केली आहे. आत्महत्या करण्यापूर्वी त्याने चार पानांची सुसाईड नोट लिहून ठेवल्याचे कळते. या सुसाईड नोटमध्ये नेमका काय मजकूर आहे, त्यांनी स्वतःला का संपविले हे अद्याप समजू शकले नाही. मात्र,सुसाईड नोट ही कारणे लवकरच स्पष्ट करेल, असे पोलिसांनी सांगितले आहे.

तिमय्या असे गळफास लावून घेऊन आत्महत्या केलेल्या उपतहसीलदाराने नाव असून हासन शहरातील बीएम रोडवरील एका खासगी लॉजमधील एका रूममध्ये त्यांनी  गळफास घेऊन आत्महत्या केली आहे.
तिम्मय्या हे म्हैसूर जिल्ह्यातील सालिग्राम येथे उपतहसीलदार म्हणून कार्यरत होते. यापूर्वी त्यांनी तीन वर्षे हासन येथेही सेवा बजावली होती.
शनिवार (30 मे) रोजी त्यांनी लॉजमध्ये चार पानांची सुसाईड नोट लिहून ठेवत त्यांनी आत्महत्या केल्याचे प्राथमिक तपासात समोर आले आहे.
मूळचे कोडगू जिल्ह्यातील असलेले तिम्मय्या हे हासन शहरातील चन्नपट्टणा येथील द्यावम्मा लेआउटमध्ये कुटुंबासह राहत होते.
घटनेची माहिती मिळताच पोलिसांनी घटनास्थळी भेट देऊन पाहणी केली. या प्रकरणाचा तपास बडावणे पोलीस करीत आहेत.