बेकायदेशीर दारू विक्री प्रकरणी एकाला अटक

बेळगाव : उद्यमबाग पोलिसांनी अवैध दारू विक्रीविरोधात कारवाई करत एका व्यक्तीला अटक केली आहे.

देवेंद्र नारायण नाईक (वय 41, राहणार : बालकूर, ता. होन्नावर) असे पोलिसांनी ताब्यात घेतलेल्या आरोपीचे नाव आहे. देवेंद्र हा उद्यमबाग येथील अरुण फॅक्टरीजवळ सार्वजनिक ठिकाणी कोणतीही शासकीय परवानगी नसताना गोवा राज्यातील मद्याची अवैधरित्या विक्री करत असल्याची माहिती पोलिसांना मिळाली होती. यानुसार पीएसआय प्रविण बिरादार व त्यांच्या पथकाने छापा टाकून आरोपीला ताब्यात घेतले. त्याच्याकडून मॅजिक मोमेंट्स व्होडका, रिझर्व्ह सेवन व्हिस्की, डीएसपी ब्लॅक आदी विविध ब्रँडच्या एकूण 11.5 लिटर मद्याचा साठा जप्त करण्यात आला. 
जप्त करण्यात आलेल्या मद्याची एकूण किंमत 4520 रुपये आहे.
याप्रकरणी उद्यमबाग पोलीस ठाण्यात गुन्हा नोंदवण्यात आला आहे.