' सायन' च्या ' राणी' ची हेरॉईन विकली जायची शहापुरात : बेळगावच्या एकाला अटक

बेळगाव : ' सायन' च्या ' राणी' ची हेरॉईन शहापुरात विकली जायची. पोलिसांना याची कुणकुण लागताच पोलिसांनी छापा टाकून बेळगाव समर्थ नगर येथील एकाच्या मुसक्या आवळल्या.

विनायक रामा जारटकर (रा. समर्थनगर, बेळगाव) असे शहापूर पोलिसांनी अटक केलेल्या इसमाचे नाव असून तो
गोकुळनगर चौथा क्रॉस, महात्मा फुले रोड, बेळगाव येथे सार्वजनिक ठिकाणी हेरॉईन या अंमली पदार्थाची विक्री करीत होता.
शहापूर पोलिसांनी त्याच्याकडील 30 हजार रुपये किमतीच्या 15.98 ग्रॅम हेरॉईनसह मोबाईल, दुचाकी असा एकूण 75 हजार 950 रुपयांचा मुद्देमाल जप्त केला आहे.

विनायक हा मुंबई-सायन येथील अलमा उर्फ राणी नावाच्या महिलेकडून हेरॉईन हा अंमली पदार्थ आणून त्याची विक्री बेळगावात करीत होता. पोलिसांना ही माहिती मिळताच शहापूर पोलिसांनी ही कारवाई केली.