गळफास लावून घेऊन संपविले जीवन

बेळगाव (bn7 news) : बसचालकाने परिवहन महामंडळाच्या आवारात उभ्या असलेल्या बसमध्ये आत्महत्या केल्याचे वृत्त आहे.

भालचंद्र एस. तुकोजी (वय 45 रा. रामदुर्ग तालुका, जिल्हा बेळगाव ) असे या आत्महत्या केलेल्या बस चालकाचे नाव आहे.

भालचंद्र तुकोजी हे अनेक दिवसापासून पाठ दुखीमुळे त्रस्त होते. रोजच्या पाठदुखीच्या त्रासाला कंटाळून अखेर त्यांनी जीवन संपविण्याचा निर्णय घेतला. बेळगाव शहरातील दुसऱ्या बस डेपोमध्ये जाऊन तेथे उभ्या असणाऱ्या बसमध्ये त्यांनी स्वतःला गळफास लावून घेऊन आत्महत्या केली.

पाठदुखीच्या त्रासामुळे त्यांनी आत्महत्या केल्याचा प्राथमिक अंदाज असला तरी पोलीस याबाबत अधिक तपास करीत आहेत. मार्केट पोलिसांत घटनेची नोंद करण्यात आली आहे.

बेळगाव शहरातल्या राज्य परिवहन महामंडळाच्या दुसऱ्या बस विभागात चक्क बस मध्ये आत्महत्या केल्याने परिवहन मंडळाच्या कर्मचाऱ्यात एकच खबळ माजली आहे.