' जेलर ' ने केली आत्महत्या ..!

धारवाड :  कठोर कारवाईच्या भीतीने 37 वर्षीय जेलरने गळफास लावून घेऊन आत्महत्या केल्याचे वृत्त आहे. सिद्धरामप्पा वड्डर असे आत्महत्या केलेल्या जेलरचे नाव आहे.
सिद्धरामप्पा वड्डर हे धारवाड मध्यवर्ती कारागृहाचे जेलर म्हणून सेवा बजावत होते. पण,कर्तव्यात कसूर केल्याप्रकरणी दोन महिन्यांपूर्वी त्यांना निलंबित करण्यात आले होते. यानंतर त्यांची बदली म्हैसूर कारागृहात करण्यात आली होती.  मात्र त्यानंतरही  म्हैसूरला जाऊन ते जॉईन झाले नाहीत. 
कठोर कारवाईच्या भीतीने त्यांनी धारवाड नव्या बसस्थानकाजवळील कारागृहाच्या वस्तीगृहातच गळफास लावून घेऊन आत्महत्या केली.
 कारागृह विभागाचे डीजीपी अलोकुमार हे कठोर कारवाई करतील आणि आपल्याला कारागृहात डांबतील या भीतीनेच आपल्या पतीने आत्महत्या केली असून आपल्या पतीच्या आत्महत्येला  अलोककुमार हेच कारणीभूत असल्याचा आरोप सिद्धरामप्पा यांच्या पत्नी लक्ष्मी यांनी केला आहे.