सहकारी सोसायटीत चोरी केल्याच्या आरोपातून निर्दोष

बेळगाव : सहकारी सोसायटीत चोरी करून रोख रक्कम लांबविल्याच्या आरोपातून एकाची साक्षीदारातील विसंगती आणि सबळ पुराव्याअभावी निर्दोष मुक्तता करण्यात आली.
महम्मदशा अलम आयुभहुसेन खान असे निर्दोष मुक्तता झालेल्या व्यक्तीचे नाव आहे.

महम्मदशा अलम आयुभहुसेन खान ( वय 24, भोजवा, जि. आंबेडकरनगर, उत्तर प्रदेश; सध्या रा. लक्ष्मीनगर, मच्छे, बेळगाव) याच्यावर 22 एप्रिल 2917 रोजी पहाटेच्या सुमारास श्री. ज्ञानेश्वर को-ऑप. क्रेडिट सोसायटीच्या किणये शाखेत चोरी करून 17200 रुपये लांबविल्याचा आरोप होता. त्याला 2 ऑगस्ट 2017 रोजी अटक करून त्याला न्यायालयात हजर करण्यात आले होते. न्यायालयाने त्याची रवानगी हिंडलगा कारागृहात केली होती.

साक्षीदारातील विसंगती आणि सबळ पुराव्याअभावी दुसऱ्या जे.एम.एफ.सी. न्यायालयाच्या न्यायाधीशांनी त्याची निर्दोष मुक्तता केली.

आरोपीच्या वतीने फौजदारी वकील मारुती कामाण्णाचे यांनी काम पाहिले.