भीषण अपघातात एकाच कुटुंबातील पाच जणांचा मृत्यू

कलबुर्गी : लॉरीने क्रुझरला दिलेल्या जोरदार धडकेमुळे क्रुझरमधून प्रवास करणाऱ्या एकाच कुटुंबातील 5 जणांचा जागीच मृत्यू झाला.
चितापूर तालुक्यातील लाडलापूरजवळ राष्ट्रीय महामार्गावर शुक्रवारी उशीरा रात्री हा भीषण अपघात झाला. 

महमद हुसेन (वय 60), फातिमा अब्दुल (वय 40), रसूल बी ( वय 40), महिबूब (वय 37) आणि टोलू पाशा (वय 24) अशी अपघातात मरण पावलेल्या लोकांची  नावे आहेत. 
अपघातातील मृत हे इंगलगी गावचे रहिवासी होते.

 कुटुंबातील एका व्यक्तीला पक्षाघाताचा झटका आल्याने त्याला उपचारासाठी यादगीर येथील रुग्णालयात ते गेले होते. त्याला रुग्णालयात दाखल करून परत गावाकडे येत असताना लाडलापूरजवळील राष्ट्रीय महामार्गावर त्यांच्या क्रुझरला लॉरीने जोरदार धडक दिली. 
लारीच्या जबर धडकेत क्रूझर पूर्णपणे चक्काचूर झाला आणि आत बसलेल्या एकाच कुटुंबातील 5 जणांचा जागीच मृत्यू झाला. घटनेची माहिती मिळताच पोलिसांनी घटनास्थळी धाव घेऊन पंचनामा केला. 

#accident #5died #kalburgi #bn7news