जमीन वादातून गोळीबार : पायाला गोळी लागून युवक जखमी

धारवाड : जमीन वादातून झालेल्या वादात एका युवकावर गोळीबार झाल्याची धक्कादायक घटना धारवाडमध्ये घडली आहे. या घटनेत विठ्ठल वालिकर (वय 24) हा युवक जखमी झाला असून त्याच्या पायाला गोळी लागली आहे.
ही घटना धारवाडमधील ट्रायबल आयटी परिसरासमोर घडली.

 मिळालेल्या माहितीनुसार, हुबळी येथील एका डेव्हलपरच्या खासगी गनमनने हा गोळीबार केल्याचे कळते. जखमी विठ्ठल वालिकर याला तत्काळ धारवाड येथील एसडीएम रुग्णालयात दाखल करण्यात आले आहे.
सदर घटना त्या वेळी घडली, जेव्हा संबंधित डेव्हलपर जमीन विकासासाठी त्या ठिकाणी आला होता. यावेळी जमीन मालक विठ्ठल आणि डेव्हलपरच्या समर्थकांमध्ये वाद झाला. हा वाद वाढला आणि जवळच उभ्या असलेल्या डेव्हलपरच्या खासगी गनमनने  गोळीबार केला. यात विठ्ठल वालिकर जखमी झाले.
या घटनेमुळे परिसरात एकच खळबळ उडाली असून पोलिस अधिक तपास करत आहेत.