निपाणी : डंपर व दुचाकीची धडक होऊन रांगोळी येथील महाविद्यालयीन विद्यार्थी ठार झाला असून दोघेजण जखमी झाले आहेत. गणेश बाबासाहेब कांबळे (वय 18,) असे ठार झालेल्या युवकाचे नाव आहे. तर अर्जुन रमेश मिरजे (वय 18) साहिल कुबेर कांबळे (रा. रांगोळी) हे गंभीर जखमी झाले आहेत.
अर्जुन मिरजे याची प्रकृती चिंताजनक आहे. या घटनेने परिसरात हळहळ व्यक्त होत आहे.
याबाबत अधिक माहिती अशी,गणेश कांबळे, अर्जुन मिरजे, साहिल कांबळे हे तिघे बारावीचे गुणपत्रक आणण्यासाठी इचलकरंजीला एम. एच. 0956 क्रमांकाच्या दुचाकीवरून गेले होते. दुचाकी रांगोळीकडे येत असताना मुरुमाने भरलेला डंपर (एम एच 51- सी - 1242) इचलकरंजीकडे जात होता. कारदगा फाट्याजवक दुचाकी व डंपरची अमोरासमोरून धडक झाल्याने दुचाकीवरील तिघे रस्त्यावर पडल्याने त्यांच्या डोक्याला गंभीर इजा झाली. यावेळी नागरिकांनी त्यांना उपचारासाठी इचलकरंजी येथील इंदिरा गांधी सामान्य रुग्णालयात घेऊन गेले असता गणेश कांबळे याचा मृत्यू झाल्याचे स्पष्ट झाले.
अर्जुन मिरजे याला पुढील उपचारासाठी कोल्हापूर येथे हलविण्यात आले असून दोघां जखमीपैकी अर्जुन मिरजे याची प्रकृती चिंताजनक असल्याचे सांगण्यात येते.
#accident
#trippleseat
#onedied
#2Injured
