दारूच्या नशेत चाकूने भोसकून केला खून ....!

रामदुर्ग : किरकोळ वादामुळे संतापलेल्या एका तळीरामाने नशेत  चाकूने भोसकून एका 45 वर्षीय इसमाचा खून केला. 

बेळगाव जिल्ह्यातील रामदुर्ग तालुक्यातील हुलकुंद गावात ही घटना घडली आहे.
यमन्नप्पा गुडदेन ( राहणार : हुलकुंद ) असे  या घटनेत मृत्यू झालेल्या व्यक्तीचे नाव आहे.

प्रदीप परोट या  26 वर्षीय तरुणाने बरीच दारू ढोसली होती. यावेळी यमन्नप्पा गुडदेन या 45 वर्षीय इसमाशी त्याचा वाद झाला. वाद विकोपाला गेला आणि दारू ढोसलेल्या प्रदीपने नशेत प्रदीपच्या पोटात चाकू खुपसला. यामध्ये रक्तस्राव होऊन रक्ताच्या थारोळ्यात पडलेला यमन्नप्पा गुडदेन जागीच निपचित झाला. 

घटनेची माहिती मिळताच कडकोळ पोलिसांनी घटनास्थळी धाव घेत पंचनामा केला. मृतदेह शवविच्छेदनासाठी पाठविण्यात आला आहे. आरोपी प्रदीप परोट याला पोलिसांनी ताब्यात घेतले आहे. त्याची कसून चौकशी सुरू आहे. कडकोळ पोलीस ठाण्यात गुन्हा नोंद करण्यात आला असून पुढील तपास सुरू आहे.