' त्या ' अपघातातील जखमीचे निधन

खानापूर :  22 जून रोजी खानापूर शहरातील शिवाजीनगर परिसरात दोन दुचाकींमध्ये झालेल्या अपघातात गंभीर जखमी झालेल्या अपघातातील जखमीचे निधन झाले.

एका भरधाव दुचाकीस्वाराने मारुती दळवी यांच्या दुचाकीला पाठीमागून जोरदार धडक दिली होती. या अपघातात सेवानिवृत्त पोस्टमास्तर मारुती नारायण दळवी (वय 68) हे गंभीर जखमी झाले होते. त्यांच्या डोक्याला गंभीर दुखापत झाली होती. त्यानंतर त्यांना तातडीने बेळगाव येथील केएलई रुग्णालयात उपचारासाठी दाखल करण्यात आले होते. मात्र प्रकृती अत्यंत चिंताजनक असल्याने डॉक्टरांकडून शर्थीचे प्रयत्न सुरू होते. मात्र, उपचारादरम्यान निधन झाले.
 त्यांच्यावर आज, मंगळवार दि. 23 जून 2026 रोजी रात्री 8.00 वाजता त्यांच्या मूळ गावी मणतुर्गा (ता. खानापूर) येथे अंत्यसंस्कार करण्यात येणार असल्याची माहिती नातेवाईकांनी दिली आहे.
त्यांच्या पश्चात पत्नी दोन विवाहित मुले एक विवाहित मुलगी तसेच भाऊ व बहिणी असा परिवार आहे.मारुती दळवी हे महाराष्ट्र एकीकरण समितीचे सरचिटणीस आबासाहेब दळवी यांचे लहान बंधू होत.