छ. संभाजीनगर : गळाभेट घेत शिवसेना उपजिल्हाप्रमुखाचा चाकूने गळा चितल्याची धक्कादायक घटना रविवारी 24 तारखेला रात्री साडेअकराच्या सुमारास छत्रपती संभाजी नगर परिसरात घडली आहे. या घटनेने छत्रपती संभाजीनगर हादरले आहे.
राम शेषराव बोडखे असे आरोपीचे नाव असून त्याने शिवसेना उपजिल्हाप्रमुख अंबादास आसाराम म्हस्के (वय 55, रा. म्हस्के गल्ली, गणपती मंदिराच्या बाजूला, छावणी) याला मोबाईलवर धमकी देऊन बाबा पेट्रोलपंप चौकात भेटण्यास बोलावले.
त्यामुळे अंबादास म्हस्के यांनी ही बाब काका खंडू म्हस्के यांना सांगितली. त्यानंतर खंडू म्हस्के आणि अंबादास म्हस्के हे काका-पुतणे एमएच 20 जीएम 7071 क्रमांकाच्या थार गाडीने राम बोडखेला भेटण्यासाठी रात्री सुमारे साडेअकराच्या सुमारास बाबा पेट्रोलपंप चौकात गेले.
अंबादास आसाराम म्हस्के आपल्या काकासोबत तेथे गेल्यावर आरोपी राम बोडखे याने सावध भूमिका घेत अण्णा मजाक करत होतो म्हणून अंबादास यांची गळाभेट घेतली आणि कमरेत दडविलेला चाकू काढून बेसावध असणाऱ्या अंबादास यांच्या मानेवर सपासप चाकूचे वार केले.
या घटनेत अंबादास गंभीर जखमी होऊन रक्ताच्या थारोळ्यात पडले. जवळच उभारलेल्या खंडू मस्के याने धावत जाऊन चाकूने वार करणाऱ्या राम बोडखे याला धक्का देऊन बाजूला केले आणि जखमी अंबादास याला थार गाडीत घालून उपचारासाठी इस्पितळात नेले. सिग्मा हॉस्पिटलमध्ये अंबादास यांच्यावर उपचार सुरू आहेत.
राम शेषराव बोडखे या हल्लेखोराविरुद्ध क्रांती चौक पोलीस ठाण्यात गुन्हा दाखल करण्यात आला आहे. राजकीय वैमनस्यातून हा हल्ला झाल्याची शक्यता वर्तवली जात आहे.
आरोपी राम बोडखे
