चेक बॉन्स : 6 वर्षे फरार आरोपीला जामीन .....!

चेक बॉन्स : 6 वर्षे फरार आरोपीला जामीन .....!

बेळगाव : 5 वर्षे 11 महीने 19 दिवस फरार असणाऱ्या आरोपीला न्यायालयाने काही अटींवर जामीन मंजूर केला. परशुराम शंकर कोलेकर (वय - 41, राहणार : तारीहाळ- बेळगांव) असे जामीन मिळालेल्या आरोपीचे नाव आहे.

परशुराम शंकर कोलेकर यांना सन 2012 मध्ये माल वाहतूक करणारे वाहन खरेदी करण्यासाठी पैशांची गरज होती. यामुळे त्यांनी उद्यमबाग-बेळगाव येथील पुंडलिक गुंडू पाटील यांच्याकडे हातउसने पैसे मागितले. पुंडलिक यांनी मदत म्हणून परशुराम कोलेकर यांना सन 2014 पर्यंत रोखरक्कम आणि चेक अशा स्वरूपात 2 लाख 10 हजार रुपये दिले. या व्यवहाराचे करारपत्र आणि प्रॉमिसरी नोट तयार करण्यात आली. पण ठरल्यानुसार परशुराम कोलेकर यांनी घेतलेली रक्कम पुंडलिक गुंडू पाटील यांना परत करण्यास टाळाटाळ केली.
अनेकदा चकरा मारल्यानंतर आणि विनवणी केल्यानंतर परशुराम शंकर कोलेकर यांनी जानेवारी 2017 मध्ये पुंडलिक गुंडू पाटील यांना 2 लाख 10 हजार रुपयांचा चेक दिला. पण, हा चेक बँकेत वटला नाही. यामुळे पुंडलिक पाटील यांनी परशुराम कोलेकर यांना नोटीस धाडली. त्यानंतर सातवे जे.एम.एफ.सी बेळगांव न्यायालयात कलम 138 नेगोशिबल इन्स्ट्रुमेंट ऍक्ट 1881 खाली आरोपी वर दावा दाखल केला.
ट्रायल कोर्ट (सातवे जे.एम.एफ.सी बेळगांव) न्यायालयाने आरोपी कोलेकर यांना दिनांक 6 जानेवारी 2020 रोजी सदरी रक्कम फीर्यादीला द्यावी नाही तर सहा महिन्याची शिक्षा भोगावी असा निर्णय दिला व सदरी आरोपीचा जामिन रद्द केला व त्यानंतर सबरी न्यायालयाने कनविक्शन वॉरंट जारी केला.
या खटल्यातील आरोपी 5 वर्षे 11 महीने 19 दिवस फरार होता. हिरेबागेवाडी पोलिसांनी 17 डिसेंबर 2025 रोजी आरोपीला अटक करून त्याला सातवे जे.एम.एफ.सी बेळगांव न्यायालय येथे हजर केले. न्यायालयाने सदरी आरोपीची हिंडलगा कारागृहात रवानगी केली.
आरोपीने बेळगांव येथील 5 वे अतिरिक्त जिल्हा सत्र न्यायालयात सदरी ट्रायल कोर्टाच्या निकालाला स्थगीती द्यावी आणि मला जामिन मंजुर करावा म्हणुन न्यायालयात अपील दाखल केले. न्यायालयाने आरोपी व फीर्यादीचे म्हणणे ऐकुण घेऊन 5 व्या अतिरिक्त जिल्हा सत्र न्यायालयाने ट्रायल कोर्टाच्या निकालाला स्थगीती देऊन व काही अटींवर आरोपीला जामिन मंजुर केला.
आरोपीच्यावतीने प्रसिद्ध फौजदारी वकील मारूती कामाण्णाचे यांनी काम पाहिले.