सर्टिफिकेट घोटाळा : दोन कंत्राटी कर्मचाऱ्यांविरोधात गुन्हा दाखल

बळळारी : श्री कृष्णदेवराय विद्यापीठाच्या परीक्षा विभागात अनेक वर्षांपासून सुरू असलेल्या बनावट पदवीदान (कॉन्वोकेशन) प्रमाणपत्र घोटाळा आणि लाखो रुपयांच्या आर्थिक गैरव्यवहार प्रकरणी दोन कंत्राटी कर्मचाऱ्यांविरोधात बळळारी ग्रामीण पोलीस ठाण्यात एफआयआर दाखल करण्यात आला आहे.

 
विद्यापीठाचे मूल्यांकन कुलसचिव प्रा. एम. एन. साळी यांनी दिलेल्या अधिकृत तक्रारीवरून परीक्षा विभागातील कंत्राटी कर्मचारी महंतेश वाय. (वय 40) आणि हनुमेश सूडी ( वय 35) यांच्याविरोधात फौजदारी गुन्हा नोंदविण्यात आला आहे.
हा मोठा घोटाळा उघडकीस येऊन अनेक महिने उलटून गेले असतानाही संबंधित दोषींवर कारवाई करण्यात विद्यापीठ प्रशासनाने विलंब केल्याची टीका होत होती. विद्यापीठाच्या या भूमिकेमुळे विद्यार्थी आणि सर्वसामान्य नागरिकांमध्ये विविध शंका उपस्थित होत होत्या.
दरम्यान, वाढत्या दबावानंतर विद्यापीठ प्रशासनाने अखेर आरोपींविरोधात कायदेशीर कारवाई सुरू केली असून, प्रकरणाचा पुढील तपास पोलीस करत आहेत. ग्रामीण पोलीस ठाण्यात एफआयआर दाखल करण्यात आला आहे.

#certificate
#scammers 
#BallariDistrict