अनैतिक संबंधाच्या संशयातून तरुणाचा निर्घृण खून ..!

हुबळी : अनैतिक संबंधाच्या संशयातून एका व्यक्तीची निर्घृण हत्या करण्यात आल्याची धक्कादायक घटना हुबळी तालुक्यातील बयहट्टी गावातील शांतीनगर प्लॉट परिसरात घडली आहे.

 फक्कीरप्पा उर्फ बसू अक्कीवळी अशी खून झालेल्या व्यक्तीचे नाव असून, प्रकाश कराशेट्टी याच्यावर फक्कीरप्पा याच्या खुनाचा आरोप आहे. 
प्राथमिक माहितीनुसार, आपल्या पत्नीसोबत फक्कीरप्पा याचे अनैतिक संबंध असल्याचा संशय प्रकाश कराशेट्टी याला होता. याप्रकरणी दोघांमध्ये अनेकदा वादही झाले होते.  या प्रकरणावर याआधी पंचायतही झाली होती. मात्र, त्यानंतरही फक्कीरप्पा याचे प्रकाश कराशेट्टी याचे अनैतिक संबंध संबंध सुरूच होते. याची कुणकुण प्रकाश याला लागली आणि संतापलेल्या प्रकाशने फक्कीरप्पा याची हत्या केली, असा आरोप आहे.
घटनेची माहिती मिळताच हुबळी ग्रामीण पोलिसांनी घटनास्थळी धाव घेत पंचनामा केला. पोलीस निरीक्षक मुरुगेश चेन्नन्नवर यांच्या नेतृत्वाखाली तपास सुरू असून आरोपी प्रकाश कराशेट्टी याला ताब्यात घेण्यात आले आहे.
या प्रकरणी गुन्हा नोंद करण्यात आला असून पोलिसांकडून पुढील तपास सुरू आहे.