ग्रामपंचायत माजी अध्यक्षाची निर्घृण हत्या ..!

बागलकोट : गद्दनकेरी फाट्यावर 45 वर्षीय इसमाची निर्घृण हत्या करण्यात आली. हत्येनंतर त्याचा चेहरा छिन्नविच्छिन्न करण्यात आला. यामुळे भयानक रागातून हा खून करण्यात आला असावा असा कयास आहे.

संगप्पा नालतवाड असे हत्या झालेल्या व्यक्तीचे नाव आहे.
संगप्पा हे गद्दनकेरी ग्रामपंचायतीचे माजी अध्यक्ष होते. ते काँग्रेस नेते म्हणून गावात कार्यरत होते. नुकत्याच संपलेल्या ग्रामपंचायतीच्या कार्यकाळात त्यांच्या पत्नीनेदेखील अध्यक्ष म्हणून सेवा बजावली होती.

संगप्पा यांना संपविण्याचा स्केच घातलेल्या मारेकऱ्यांनी संगप्पा नालतवाड यांना गद्दनकेरी क्रॉसवर गाठले आणि त्यांचा खात्मा केला. इतक्यावरच ते थांबले नाहीत तर त्यांनी संगप्पा यांचा चेहरा झेजरून विद्रुप केला. काम फत्ते करून आलेल्या चारचाकी वाहनातून मारेकरी पसार झाले.

घटनेची माहिती मिळताच आमदार जे. टी. पाटील, एसपी सिद्धार्थ गोयल, डीएसपी गजानन सुतार, ग्रामीण सीपीआय रामण्णा बिरादार यांनी घटनास्थळी धाव घेतली. कलादगी पोलिसांना घटनास्थळी जाऊन पंचनामा केला.

या निर्घृण खुनाबद्दल लोकांतून तर्कवितर्क व्यक्त होत आहेत. कोणी पूर्व वैमानस्यातून तर कोणी आर्थिक व्यवहारातून ही घटना घडली असावी असे बोलत आहेत. संगप्पा नालतवाड यांनी गद्दनकेरी क्रॉस येथे एक बार लिजवर घेतला होता. यातून उद्भवलेल्या वादातून हा खून झाला असावा असा काहींचा कयास असून हत्येचे नेमके कारण अद्याप समजू शकले नाही.