पदवीधर युवकाची गळफास घेऊन आत्महत्या

चिक्कोडी : 38 वर्षीय पदवीधर युवकाने गळफास घेऊन आत्महत्या केली. प्रशांत गायकवाड असे आत्महत्या केलेल्या युवकाचे नाव आहे.

 प्रशांत हा मूळचा हंचिनाळ गावचा रहिवासी होता. सध्या तो आपल्या कुटुंबासह मनकापूर येथील मामाच्या घरी राहत होता.

प्रशांत यांने डी.एड. शिक्षण पूर्ण केले होते. तसेच त्यांनी एमपीएससी परीक्षाही दिली होती. सध्या ते इचलकरंजी येथील एका खासगी शैक्षणिक संस्थेत शिक्षक म्हणून कार्यरत होता.

प्रशांत आपल्या आईसोबत दुचाकीवरून मूळ गावी हंचिनाळ येथे मामाच्या घरी आला होता.  दरम्यान, त्यांचा मृतदेह मामा बाळासाहेब गायकवाड यांच्या गोठ्यात गळफास घेतलेल्या अवस्थेत आढळून आला. त्याने आत्महत्या करण्याइतपत पाऊल का उचलले हे समजू शकले नाही. 
घटनेची माहिती मिळताच निपाणी ग्रामीण पोलिस ठाण्याचे पोलीस उपनिरीक्षक (पीएसआय) शिवराज नायकवाडी यांनी घटनास्थळी भेट देऊन पाहणी केली. याप्रकरणी प्रशांत यांचे भाऊ प्रवीण गायकवाड यांनी पोलिसांत तक्रार दाखल केली असून पुढील तपास सुरू आहे.