भीषण अपघातात महिलेचा जागीच मृत्यू

 कागवाड : कार आणि दुचाकी यांच्यात झालेल्या भीषण अपघातात एका महिलेचा जागीच मृत्यू झाला.

कागवाड तालुक्यातील शेडबाळ-उगार राज्य महामार्गावर हा अपघात घडला.
तुळशीबाई शिवाजी चव्हाण (वय 70) असे अपघातात मरण पावलेल्या महिलेचे नाव आहे.

 तुळशीबाई ह्या दुचाकीवरून चालल्या होत्या. कागवाड तालुक्यातील शेडबाळ-उगार राज्य महामार्गावर त्यांच्या दुचाकीला कारने ठोकरले. या अपघातात त्या गंभीर जखमी झाल्या आणि काही ठिकाणी वेळातच रक्तस्राव होऊन त्यांचा घटनास्थळीच मृत्यू झाला. दुचाकीवरील अन्य व्यक्तीला किरकोळ दुखापत झाली असून ती सुदैवाने बचावली.
अपघात होताच परिसरातील नागरिकांनी घटनास्थळी धाव घेत जखमींना तातडीने जवळील रुग्णालयात उपचारासाठी दाखल केले.
घटनेची माहिती मिळताच कागवाड पोलिसांनी घटनास्थळी भेट देऊन पंचनामा केला. याप्रकरणी पोलिस ठाण्यात गुन्हा नोंद करण्यात आला असून अपघाताचे नेमके कारण शोधण्यासाठी पुढील तपास सुरू आहे.