पशुवैद्यकीय विद्यार्थ्याने स्वतःला झोकून दिले धावत्या रेल्वेखाली 

शिवमोग्गा : पशुवैद्यकीय विद्यार्थ्याने स्वतःला स्वतःला धावत्या रेल्वेखाली झोकून देऊन आत्महत्या केली. 

शिवमोग्गा शहरातील हरिगे परिसरात ही दुर्दैवी घटना घडली आहे.

 मनोज कुमार (वय 21 ) असे रेल्वेखाली झोकून देऊन आत्महत्या केलेल्या विद्यार्थ्याचे नाव असून तो दावणगेरे जिल्ह्यातील हरिहर येथील विद्यानगर परिसराचा रहिवासी होता.
 मनोज हा शिवमोग्गा येथील पशुवैद्यकीय महाविद्यालयात द्वितीय वर्षाचा विद्यार्थी होता.
घटनेची माहिती मिळताच रेल्वे पोलिसांनी घटनास्थळी धाव घेऊन पाहणी केली. रेल्वे रुळांवर आढळलेला मृतदेह ताब्यात घेऊन पुढील कार्यवाही करण्यात आली.
या प्रकरणी रेल्वे पोलीस ठाण्यात गुन्हा दाखल करण्यात आला असून, विद्यार्थ्याने हे टोकाचे पाऊल का उचलले याचा तपास पोलीस करत आहेत. मृत्यूमागील नेमके कारण अद्याप स्पष्ट झालेले नाही.