त्रिकुटाकडून धारधार तलवार जप्त ..!

बेळगाव : मार्केट पोलिसांनी त्रिकुटाला अटक करून त्यांच्याकडून धारधार तलवार जप्त केली आहे.

पोलिसांनी बेळगाव शहरातील जुन्या पी. बी. रोड वरील पुलाखाली तिघा युवकांना ताब्यात घेऊन त्यांची झाडाझडती घेतली असता त्यांच्याकडे धारधार तलवार मिळाली.

हर्षराज कुंदन येळ्ळूरकर (वय 20, रा. कपिलेश्वर मंदिर शेजारी), साई महादेव सेनावे (वय 19, रा. टिळकवाडी, बेळगाव) आणि प्रेम प्रशांत कांबळे (वय 20, रा. महाद्वार रोड, बेळगाव) अशी अटक करण्यात आलेल्या त्रिकुटाची नावे आहेत.

शहरातील कायदा व सुव्यवस्था अबाधित राखण्यासाठी अँटी स्टॅबिंग स्क्वाड कार्यरत आहे. या अंतर्गत पोलीस संशयितांची झाडाझडती घेत आहेत. मार्केट पोलीस ठाण्याचे पोलीस उपनिरीक्षक हुसेनसाब केरुर व त्यांचे सहकारी संशयित व्यक्तींची तपासणी करत असताना जुन्या पी. बी. रोड वरील
पुलाखाली तिघे युवक संशयास्पदरित्या वावरताना दिसले. पोलिसांनी त्यांची झाडाझडती घेतली असता त्यांच्या कडे धारधार तलवार आढळून आली. पोलिसांनी त्यांच्यावर गुन्हा दाखल केला आहे.