प्रमोद मुतालिक यांच्यासह सहा जणांवर गुन्हा दाखल ..!

हुबळी : हुबळीतील आर. एन. शेट्टी कल्याण मंडप येथे झालेल्या एका कार्यक्रमानंतर श्रीराम सेनेचे अध्यक्ष प्रमोद मुतालिक ( Pramod Mutalik ) यांच्यासह सहा जणांविरुद्ध हुबळी उपनगर पोलिस ठाण्यात गुन्हा दाखल करण्यात आला आहे.

 द्वेषपूर्ण वक्तव्ये आणि कायदा-सुव्यवस्थेला बाधा पोहोचण्याची शक्यता निर्माण झाल्याच्या आरोपांवरून पोलिसांनी स्वतःहून ही कारवाई केली आहे.

दुर्गा सेना या श्रीराम सेनेच्या महिला आघाडीच्यावतीने आयोजित कार्यक्रमात महिलांना त्रिशूळाच्या आकाराची शस्त्रे वाटप करण्यात आल्याचा तसेच लोखंडी शस्त्रांचे प्रदर्शन केल्याचा आरोप  करण्यात आला आहे. कार्यक्रमासाठी आवश्यक परवानगी न घेता आयोजन करण्यात आल्याचेही तक्रारीत नमूद करण्यात आले आहे.
या घटनाक्रमाची गंभीर दखल घेत पोलिसांनी संबंधितांविरोधात गुन्हा नोंदवला असून, प्रकरणाचा तपास सध्या हुबळी उपनगर पोलिसांकडून सुरू आहे.