भरवस्तीत वेशव्यावसाय : लॉजवर छापा : व्यवसायात गुंतलेल्या 5 महिलांना अटक : महिला सुधार केंद्रात रवानगी

खानापूर : खानापूर शहरात मध्यवस्तीत असलेल्या एका लॉजवर छापा टाकून खानापूर पोलिसांनी वेश्याव्यवसायाचे रॅकेट उघडकीस आणले आहे.
या छाप्यात पोलिसांनी वेशव्यवसायात गुंतलेल्या 5 महिला आणि 12 पुरुषांना ताब्यात घेतले आहे.

पणजी राष्ट्रीय महामार्गावरील बँकेसमोर असणाऱ्या एका लॉजमध्ये वेश्या व्यवसाय चालत असल्याची माहिती मिळाल्यानंतर खानापूर पोलीस ठाण्याचे पोलीस निरीक्षक मंजुनाथ नाईक यांच्या नेतृत्वाखाली त्या लॉजवर छापा टाकण्यात आला.
या छाप्यात पोलिसांनी लॉजच्या वेगवेगळ्या खोल्यांमध्ये वेश्याव्यवसाय करणाऱ्या 12 ग्राहकांना अटक केली आहे. यावेळी पाच महिलांना ताब्यात घेऊन त्यांना बेळगावच्या महिला सुधार केंद्रात पाठवण्यात आले. लॉज मालकावर गुन्हा दाखल करण्यात आला आहे.

इन्स्पेक्टर मंजुनाथ नाईक यांच्या नेतृत्वाखाली टाकण्यात आलेल्या या छाप्यात एसआय चनबसव बबली, हेडकॉन्स्टेबल जयराम हम्मन्नवर, कर्मचारी अनुसया बसप्पनवर, ओंकारा वाढवे, मंजुनाथ मुसळी, वासुदेव पारसेकर, ईश्वर जिन्नवगोळ यांनी सहभाग घेतला होता.