4500 कोटींच्या फसवणूक प्रकरणात शिवानंद नीलन्नावर यांना सीआयडीने आणले बेळगावात 

बेळगाव :  4500  कोटींच्या फसवणूक प्रकरणात अटकेत असलेले शिवम असोसिएट्सचे मालक शिवानंद नीलन्नावर यांना गुन्हे अन्वेषण विभागाने (CID) बेंगळूरहून बेळगावात आणले आहे. त्यांना आज न्यायालयासमोर हजर करण्यात आले.

मिळालेल्या माहितीनुसार, सीआयडी पथकाने शिवानंद नीलन्नावर यांना मध्यरात्री ताब्यात घेतले. त्यानंतर त्यांना बेंगळूरहून बेळगावातील माळमारुती पोलीस ठाण्यात आणण्यात आले. आज न्यायालयात हजर केल्यानंतर त्यांना सीआयडी कोठडी मिळण्याची शक्यता आहे.
दरम्यान, सीआयडीने या प्रकरणात पुढील तपासाचा वेग वाढवला असून नीलन्नावर यांच्या पत्नीला, करवे जिल्हाध्यक्ष अभिलाष यांना तसेच त्यांचे भागीदार सुभाष यांना चौकशीसाठी नोटीस बजावण्यात आली आहे.
तपासादरम्यान आरोपीकडील कोट्यवधी रुपयांच्या आलिशान गाड्यांवरही जप्तीची कारवाई होण्याची शक्यता आहे. यामध्ये डिफेंडर, मर्सिडीज-बेंझ आणि वेलफायर सारख्या महागड्या वाहनांचा समावेश असल्याची माहिती सीआयडीकडून देण्यात आली आहे.

#shivanandnillannavar 
#shivamassociates
#ghotala 
#CID