आमदार भालचंद्र जारकीहोळी म्हणाले, कौटिल्य, लिंगराज यांचा सहज विजय होणार '

बेंगळूर :  विधान परिषदेसाठी होत असलेल्या निवडणुकीत भाजपचे दोन्ही उमेदवार विजयी होतील, असा विश्वास अरभावी मतदारसंघाचे भाजप आमदार भालचंद्र जारकीहोळी यांनी व्यक्त केला.

विधानसौधच्या पहिल्या मजल्यावरील कक्ष क्रमांक 106 मध्ये मतदान केल्यानंतर पत्रकारांशी संवाद साधताना भालचंद्र जारकीहोळी म्हणाले, पक्षाकडून उमेदवारी देण्यात आलेले कौटिल्य रघु आणि लिंगराज पाटील हे दोघेहीउमेदवार सहज विजय मिळवतील.
ते पुढे म्हणाले की, तीन निलंबित आमदार वगळता सध्या भाजपकडे 62 आमदारांचे संख्याबळ आहे. एका जागेसाठी विजय मिळवण्यासाठी 28 मतांची आवश्यकता आहे. या गणितानुसार पक्षाचे दोन्ही उमेदवार सहजपणे विजयी होतील, असा विश्वास भालचंद्र जारकीहोळी यांनी व्यक्त केला आहे.

#bhalchamdrajarakiholi
#election