बी. के. हरिप्रसाद यांनी स्वीकारली केपीसीसी अध्यक्षपदाची सूत्रे  

बेंगळूर  : कर्नाटक प्रदेश काँग्रेस समिती (केपीसीसी)च्या अध्यक्षपदाची सूत्रे काँग्रेसचे ज्येष्ठ नेते बी. के. हरिप्रसाद यांनी रविवारी अधिकृतपणे स्वीकारली.

शहरातील पॅलेस ग्राऊंड येथे आयोजित करण्यात आलेल्या पदग्रहण सोहळ्याचे उद्घाटन तीन चरख्यांवर प्रतीकात्मकरित्या सूत कातून करण्यात आले. 
मुख्यमंत्री डी. के. शिवकुमार यांनी बी. के. हरिप्रसाद यांच्याकडे अध्यक्षपदाची सूत्रे सुपूर्द केली. यावेळी अधिकार हस्तांतरणाशी संबंधित कागदपत्रांवर डी. के. शिवकुमार आणि बी. के. हरिप्रसाद यांनी स्वाक्षऱ्या केल्या.
या पदग्रहण सोहळ्यास अखिल भारतीय काँग्रेस समितीचे अध्यक्ष मल्लिकार्जुन खरगे, माजी मुख्यमंत्री सिद्धरामय्या, राज्य काँग्रेस प्रभारी रणदीपसिंह सुरजेवाला, डी. के. सुरेश, सतीश जारकीहोळी, ईश्वर खंड्रे, एच. के. पाटील, के. एच. मुनीयप्पा, चेलुवरायस्वामी, आर. व्ही. देशपांडे, एम. बी. पाटील, अंजली निंबाळकर, लक्ष्मी हेब्बाळकर, वीरप्पा मोईली, सलीम अहमद, झमीर अहमद खान, यू. टी. खादर, के. जे. जॉर्ज, एच. सी. महादेवप्पा, तन्नीर सेर, वसंतकुमार, मंजुनाथ भंडारी यांच्यासह अनेक काँग्रेस नेते व कार्यकर्ते उपस्थित होते.