21 जून रोजी आंतरराष्ट्रीय योग दिनाचे आयोजन : दिग्गज मान्यवरांची राहणार उपस्थिती

बेळगाव: जिल्हाधिकारी कार्यालय, जिल्हा परिषद, महानगरपालिका आणि बेळगाव जिल्हा आयुष विभाग यांच्या संयुक्त विद्यमाने 12 वा आंतरराष्ट्रीय योग दिन रविवार, 21 जून रोजी सकाळी 6 वाजता बेळगाव येथील सुवर्ण विधानसौध येथे आयोजित करण्यात आला आहे.
या कार्यक्रमाला केंद्रीय ग्राहक व्यवहार, अन्न व सार्वजनिक वितरण तसेच नवीन व नवीकरणीय ऊर्जा मंत्री प्रल्हाद जोशी यांची प्रमुख उपस्थिती लाभणार आहे.
राज्याचे सार्वजनिक बांधकाम मंत्री सतीश जारकीहोळी कार्यक्रमाचे उद्घाटन करणार असून, बेळगाव ग्रामीण मतदारसंघाच्या आमदार लक्ष्मी हेब्बाळकर अध्यक्षस्थान भूषविणार आहेत. आरोग्य व कुटुंब कल्याण मंत्री यू. टी. खादेर हे प्रमुख पाहुणे म्हणून उपस्थित राहणार आहेत.
सरकारी मुख्य सचेतक अशोक पट्टन, नवी दिल्लीतील कर्नाटक सरकारचे विशेष प्रतिनिधी प्रकाश हुक्केरी, वायव्य कर्नाटक राज्य मार्ग परिवहन महामंडळाचे अध्यक्ष भरमगौडा कागे, कर्नाटक राज्य वित्त महामंडळाचे अध्यक्ष महानतेश कौजलगी तसेच कर्नाटक उप्पार विकास महामंडळाचे अध्यक्ष भरमाण्णा उप्पार हे विशेष आमंत्रित म्हणून सहभागी होणार आहेत.
राज्यसभा सदस्य ईराण्णा कडाडी, चिकोडी लोकसभा मतदारसंघाच्या खासदार प्रियांका जारकीहोळी, बेळगाव लोकसभा खासदार जगदिश शेटर आणि उत्तर कन्नड लोकसभा खासदार विश्वेशवर हेगडे हे मान्यवर उपस्थित राहणार आहेत.
याशिवाय जिल्ह्यातील सर्व खासदार, आमदार, विधान परिषद सदस्य, लोकप्रतिनिधी तसेच विविध विभागांचे जिल्हास्तरीय अधिकारी या योग दिन कार्यक्रमात सहभागी होणार असल्याची माहिती आयोजकांनी दिली आहे.