विद्याभारती जिल्हास्तरीय कबड्डी, बुद्धिबळ, कराटे स्पर्धा उद्यापासून

बेळगाव : अनगोळ येथील संत मीरा इंग्रजी माध्यम शाळा आयोजित विद्याभारती कर्नाटक पुरस्कृत विद्याभारती बेळगाव जिल्हास्तरीय कबड्डी, कराटे, बुद्धिबळ स्पर्धेचे आयोजन मंगळवार दिनांक 30 जून रोजी सकाळी 10.00 वाजता माधव सभागृह संत मीरा शाळा अनगोळ येथे आयोजित करण्यात आले आहे.
 या स्पर्धेच्या उद्घाटनाला प्रमुख पाहुणे म्हणून जनकल्याण ट्रस्टचे ट्रस्टी लक्ष्मण पवार, विद्याभारती राज्याध्यक्ष परमेश्वर हेगडे, जिल्हाअध्यक्ष माधव पुणेकर, संत मीरा शाळेचे प्रशासक राघवेंद्र कुलकर्णी, मुख्याध्यापिका सुजाता दप्तरदार, उपमुख्याध्यापिका ऋतुजा जाधव उपस्थित राहणार आहेत.
 या स्पर्धेत शांतिनिकेतन पब्लिक स्कूल खानापूर, संत मीरा स्कूल अनगोळ, स्वामी विवेकानंद स्कूल खानापूर, संत मीरा स्कूल गणेशपुर, हनिवेल स्कूल खानापूर, गजाननराव भातकांडे स्कूल, ज्ञान प्रबोधनी रामदुर्ग,  देवेंद्र जीनगौडा स्कूल शिंदोळी या शाळेचे संघ व खेळाडू या स्पर्धेत भाग घेणार आहेत.
 तरी सर्व शालेय संघांनी सकाळी 9:00 वाजता रिपोर्टिंग करावयाचे आहे असे बेळगाव जिल्हा विद्याभारती शारीरिक प्रमुख चंद्रकांत पाटील यांनी कळविले आहे.