युवकांचा वाढतोय आत्महत्येकडे कल : क्षुल्लक कारणासाठी केली आत्महत्या

बेळगाव ( bn7 news) : युवकांचा आत्महत्येकडे कल वाढत चालल्याचे दिसत आहे. क्षुल्लक कारणावरून बेळगावमधील न्यू वैभव नगर येथे एका 24 वर्षीय तरुणाने स्वतःला संपविले.
ही गंभीर बाब असून समाजात याबद्दल समाजात प्रबोधन होणे गरजेचे आहे.

इतका महागडा आयफोन का घेतलास असे वडिलांनी विचारल्याने मुस्तफीस अब्दुल रशीद शेख नामक तरुणाने स्वतःला गळफास लावून घेऊन आत्महत्या केली.

मुस्तफीस हप्त्यांवर (ईएमआय) 70 हजार रुपयांचा आयफोन खरेदी केला होता. आपला मोबाईलचा मोठा हप्ता कसा भरेल या चिंतेने वडिलांनी, इतका महागडा आयफोन का घेतलास असा प्रश्न मुलाला केला आणि या गोष्टीमुळे मन दुखावलेल्या तरुणाने घरातल्या खोलीत गळफास लावून घेऊन आत्महत्या केली.

छोट्या छोट्या गोष्टीतून आज मुलांचा इगो दुखावू लागला आहे. मुलांची मानसिक शक्ती कमजोर होत असून निराशेने ग्रासलेले तरुण आव्हानांचा, समस्यांचा, दुःखाचा सामना न करता आत्महत्येस प्रवृत्त होत आहेत, ही गंभीर बाब आहे. यावर समाजात चिंतन होणे गरजेचे असून शाळा-महाविद्यालयातून विद्यार्थ्यांचे आणि समाजातील विचारवंतांकडून तरुणांचे मनोधैर्य वाढविण्याच्या अनुषंगाने प्रामाणिक प्रयत्न होणे गरजेचे ठरत आहे.