सिद्धरामय्या यांच्या आरोपमुक्तीच्या प्रार्थनेसाठी समर्थकाने घातला तब्बल 10 कि. मी. अंतराचा दंडवत

बागलकोट : कर्नाटकचे मुख्यमंत्री सिद्धरामय्या हे म्हैसूर अर्बन डेव्हलपमेंट अथॉरिटी ( मुडा ) प्रकरणात अडकले असून या प्रकरणातून ते आरोपमुक्त व्हावेत यासाठी त्यांच्या एका निष्ठावंत समर्थकाने दंडवत घालत तब्बल 10 कि. मी. अंतर पार केले. सिद्धरामय्या हे मुडा प्रकरणातून आरोपमुक्त व्हावेत अशी प्रार्थना दंडवत घालताना त्याने परमेश्वराकडे केली.

श्रीशैल वालीकर असे सिद्धरामय्या समर्थकाचे नाव असून तो विजापूर जिल्ह्यातील यरनाळ गावचा रहिवासी आहे.
श्रीशैल वालीकर याने बागलकोट जिल्ह्यातील हुनगुंद तालुक्यातील संगम क्रॉस पासून कूडलसंगम पर्यंत हा 10 किमी अंतराचा दीर्घ दंडवत घातला. हा प्रवास करताना त्यांनी प्रत्येक पावलागणिक सिद्धरामय्या यांना मुडा प्रकरणातून मुक्त कर, अशी प्रार्थना केली परमेश्वराकडे केली.

कूडलसंगमला पोहोचल्यावर बसवण्णांच्या ऐक्यमंटप आणि संगमनाथ मंदिरात त्याने विशेष पूजा केली. मुख्यमंत्री सिद्धरामय्यां यांचे कल्याण कर, आणि त्यांच्यावरील मुडा प्रकरणातील सर्व आरोप दूर व्हावेत, अशी प्रार्थना त्याने देवाकडे केली.
हे दंडवत कार्यकर्त्यांमध्ये चर्चेचा विषय ठरले आहे.