सध्याच्या परिस्थितीवर सर्वांनी आत्मपरीक्षण करण्याची गरज : आमदार अरविंद बेल्लद

बेळगाव : राज्यातील भाजपमधील अलीकडील राजकीय घडामोडी आणि निवडणूक निकालांच्या पार्श्वभूमीवर आमदार अरविंद बेल्लद ( Arvind Bellad ) यांनी महत्त्वपूर्ण वक्तव्य केले आहे.

पक्षाची सध्याची परिस्थिती सुधारण्यासाठी आपण सर्वांनी आत्मपरीक्षण करण्याची गरज आहे. पक्ष संघटना आणि अलीकडील घडामोडींविषयी योग्य ते निर्णय पक्षाचे वरिष्ठ नेते आणि केंद्रीय नेतृत्व घेतील. उणिवा दूर करून पुढे जाण्यासाठी हा काळ सर्वांसाठी आत्मपरीक्षणाचा आहे, असे बेळगाव येथे प्रसारमाध्यमांशी संवाद साधताना आमदार अरविंद बेल्लद यांनी म्हटले आहे. 
पक्षाच्या प्रदेशाध्यक्षांकडून सर्वांना सोबत घेऊन काम करण्याचा प्रयत्न सुरू असल्याचेही त्यांनी स्पष्ट केले. तसेच केंद्रीय नेतृत्वाच्या सूचनांनुसार येत्या काही दिवसांत आवश्यक बदल किंवा निर्णय जाहीर केले जातील, असेही त्यांनी सांगितले आहे.