बेळगावच्या स्केटिंगपटूंनी दिला ' झाडे लावा, झाडे जगवा ' चा  संदेश

बेळगाव बेळगावच्या स्केटिंगपटूंनी स्केटिंग रॅली काढून '' झाडे लावा, झाडे जगवा ' चा  संदेश दिला. नगरसेवक नितीन जाधव यांनी या जागृती रॅलीला चालना दिली. 

गोवावेस स्विमिंग पूल परिसरातून  रॅलीला सुरुवात झाली. स्केटिंग पटूंनी स्केटिंग करीत झाडे लावा झाडे जगवा अशी जनजागृती करत लोकांना आवाहन केले. 
रॅली मध्ये प्राणिका मोटेकर, कुलदीप बिर्जे, प्रांजल पाटील, सत्यम पाटील, जानवी तेंडुलकर, आशिष अंगडीकर, श्रेयस बजंत्री, आदर्श नाईक, रचित नांगरे, राजवीर कदम, प्रीतम बागेवाडी, सार्थक चव्हाण यासह अन्य स्केटिंग पटू सहभागी झाले होते.

यावेळी नगरसेवक जाधव यांनी जमलेल्या सर्वांना किमान एक तरी झाड लावून त्याची काळजी घ्यावी. यामुळे पर्यावरण वाचवण्यासाठी मदत होईल. झाडांमुळे सावली, फुले, फळ व भरपूर प्रमाणात ऑक्सिजन उपलब्ध होते. या मुळे मानवी जीवनाला खूप लाभ होतो. म्हणूनच येणाऱ्या काळात सर्वांनी झाडे लावून त्याची निगा राखावी असे आवाहन केले.
 यावेळी प्रसिद्ध चित्रकार वसंत निर्मळे, स्केटिंग प्रशिक्षक सूर्यकांत हिंडलगेकर, विशाल वेसने, योगेश कुलकर्णी, ऋषिकेश पसारे, सोहम हिंडलगेकर, मिसेस महत, समीर महत, करुणा वाघेला, विजय नाईक, तुलसी हिंडलगेकर बेळगांव जिल्हा रोलर स्केटिंग असोसिएशन चे स्केटिंग पटू व पालक मोठ्या प्रमाणात उपस्थित होते.