शॉर्टसर्किटने दुकानाला लागली भीषण आग

मुडलगी : शॉर्टसर्किटने फर्निचर दुकानाला लागली भीषण आग लागली. या आगीत दुकानातील फर्निचर जळून खाक झाले. आज  शनिवारी पहाटे बेळगाव जिल्ह्यातील मूडलगी तालुक्यातील संगणकेरी गावात ही घटना घडली. 

एसएमके फर्निचर असे आग लागलेल्या फर्निचर दुकानाचे नाव असून ते शिवलिंग पाटील यांच्या मालकीचे आहे.
पहाटे  सुमारे 3 वाजण्याच्या सुमारास शॉर्टसर्किटमुळे आग लागली आणि आगीने काही वेळातच रौद्ररूप धारण केले. परिसरातील लोकांना याची माहिती मिळताचअग्निशामक दलाल ही माहिती कळविण्यात आली. अग्निशामक दलाने घटनास्थळी धाव घेत आग आटोक्यात आणली. 
ही आग लागली त्या फर्निचर दुकानापासून हाकेच्या अंतरावर पेट्रोल पंप असल्यामुळे मोठी दुर्घटना घडण्याची भीती निर्माण झाली होती. मात्र, वेळेत अग्निशमन दल आणि पोलिसांनी घटनास्थळी धाव घेत आगीवर नियंत्रण मिळवण्यासाठी शर्थीचे प्रयत्न केल्याने संभाव्य मोठी दुर्घटना टळली.