पावसाने खचलेली इमारत पहाटेच्या सुमारास कोसळली ..!

अथणी  : शुक्रवारी झालेल्या मुसळधार पावसाने भिजून ओली झालेली जुनी इमारत आज पहाटेच्या सुमारास कोसळली.  मात्र सुदैवाने जीवितहानी झालेली नाही. 

अथणी शहरातील हल्याळ रोड परिसरात ही घटना घडली.

पहाटेच्या सुमारास एका जुन्या इमारतीचा अचानक काही भाग कोसळत असल्याचे एका व्यक्तीने पाहिले आणि त्याने तो प्रकार मोबाईल कॅमेऱ्यात टिपला. 

मिळालेल्या माहितीनुसार, रावसाब ऐहोळे यांच्या मालकीची जुनी इमारत शुक्रवारी झालेल्या मुसळधार पावसामुळे कमकुवत झाली होती. त्यानंतर शनिवारी इमारतीचा काही भाग अचानक कोसळला. सुदैवाने इमारत कोसळली तेव्हा तिच्या आत किंवा आजूबाजूला कोणीही नसल्याने कोणतीही जीवितहानी अथवा दुखापत झाली नाही. 
 अशा जुन्या व धोकादायक इमारतींबाबत प्रशासनाने तातडीने उपाययोजना कराव्यात, अशी मागणी नागरिकांतून करण्यात आली आहे.