भाटी चॅम्पियन्स लीग क्रिकेट स्पर्धेत द अगरवाल संघाला विजेतेपद

बेळगाव : युनियन जिमखाना मैदानावर आयोजित करण्यात आलेल्या भाटी चॅम्पियन्स लीग क्रिकेट स्पर्धेत द अगरवाल संघाने विजेतेपद पटकाविले तर बालाजी ब्रिगेड संघाला उपविजेतेपदावर समाधान मानावे लागले.
अंतिम सामन्यात प्रथम फलंदाजी करताना द अगरवाल संघाने मर्यादित दहा षटकात सहा गडी गमावून 121 धावा जमविल्या. त्यांच्या अष्टपैलू सिद्धार्थ भंडारी ने पाच चौकार तीन षटकारसह 56 धावांची खेळी केली. श्वेत याने 13 धावा काढल्या. बालाजी ब्रिगेड तर्फे जे एस पोरवालने 2 गडी बाद केले.
प्रत्युत्तर दाखल बालाजी ब्रिगेडस संघाने दहा षटकात पाच गडी गमावून 93 धावा काढल्या. अक्षित जैनने तीन चौकार एक षटकार मारून 24 धावा, जनक वैष्णवने 27 तर जेएस पोरवाल 28 धावांची खेळी करून चांगलीच लढत दिली. द अग्रवाल संघातर्फे सिद्धार्थ भंडारी ने तेरा धावात दोन गडी बाद केले तर रोहित पोरवाल, भाविक पुरवाल, विनय खोडा यांनी प्रत्येकी एक गडी बाद केला. शेवटी द अगरवाल संघाने 28 धावांनी विजय मिळवून भाटी चॅम्पियन्स लीग आकर्षक चषकावर आपले नाव कोरले.
प्रमुख पाहुणे स्पर्धा पुरस्कर्ते जितू भाटी, गौरव, सतीश, कुणाल, रवी, अतुल व संजय पुरोहित यांच्या हस्ते विजेत्या, उपविजेत्या संघांना आकर्षक चषक, त्याचबरोबर स्पर्धेतील सर्वोत्कृष्ट फलंदाज सिद्धार्थ भंडारी, गोलंदाज- मिठालाल प्रजापत तर मालिकावीराचा पुरस्कार रोहित पोरवाल या खेळाडूंना चषक व रोख बक्षिसे देऊन गौरविण्यात आले. या स्पर्धेसाठी पंच म्हणून शहजाद पठाण, प्रशांत मुतगेकर तर स्कोरर साईनाथ नाईक, समालोचक अभिषेक असलकर व अनिल कुडतरकर यांनी आपली भूमिका पार पाडली. त्याचबरोबर अनिल गवी व ज्योती पाटील यांनाही सन्मानित करण्यात आले.