सन्मित्र फौंडेशनतर्फे येळ्ळूरात जिल्हा मर्यादित भव्य खो-खो स्पर्धांचे आयोजन

बेळगाव : सन्मित्र फौंडेशन येळ्ळूर यांच्यावतीने बेळगांव जिल्हा मर्यादित भव्य खो-खो स्पर्धा आयोजिण्यात आल्या आहेत.
नवहिंद क्रिडा केंद्र मैदान (महाराष्ट्र हायस्कूल समोर) येथे मुला-मुलींसाठी खुल्या गटात ही स्पर्धा खेळविली जाणार आहे.
रविवार दिनांक 1 डिसेंबर 2024 रोजी सकाळी 9 वाजता स्पर्धेची सुरुवात होणार आहे.
सदर स्पर्धेसाठी प्रवेश फी रु. 501/- असून दोन्ही गटांसाठी अनुक्रमे रु. 10,001/- व चषक, रु. 7,001/- व चषक आणि रु. 5,001/- व चषक अशी तीन बक्षिसे ठेवण्यात आली आहेत. तसेच दोन्ही गटांसाठी उत्कृष्ठ खेळाडू, उत्कृष्ट रनर, उत्कृष्ट चेजर यासाठी सुद्धा आकर्षक बक्षिसे देण्यात येणार आहेत.
हौशी संघांनी मोबाईल क्रमांक 7204707623, 7019664730 अथवा 9620309689 यावर नावे नोंदवावीत असे कळविण्यात आले आहे.