निपाणी नगरपालिकेवरील नियोजित मोर्चा स्थगित ..!

निपाणी : लोक मागणीनुसार पाणीपुरवठा योजनेची दुरुस्ती करून सुरळीत पाणीपुरवठा केल्याने  निपाणी नगरपालिकेवर काढण्यात येणारा मोर्चा स्थगित करण्यात आला आहे.

निपाणी शहरातील मुगळे गल्ली, तवटे गल्ली आणि शानेदिवाण गल्ली पाणीपुरवठा सुरळीत करण्यासाठी माजी सभापती जुबेर बागवान यांच्या नेतृत्वाखाली नागरिकातर्फे नगरपालिकेला निवेदन देण्यात आले होते. तात्काळ त्याचे दखल न घेतल्यास नगरपालिकेसमोर आंदोलन करण्याचा इशारा देण्यात आला होता. आयुक्त गणपती पाटील व पाणीपुरवठा विभागाचे अधिकाऱ्यांनी पाणीपुरवठा योजनेची दुरुस्ती करून सुरळीत पाणीपुरवठा केला आहे. त्यामुळे नगरपालिकेवर मोर्चा स्थगित करण्यात आल्याची माहिती जुबेर बागवान यांनी दिली

मुगळे गल्ली, तवटे गल्ली मधील नागरिकांना पाण्यासाठी वणवण भटकावे लागत होते. त्याची दखल घेऊन बागवान यांच्या नेतृत्वाखाली निपाणी नगरपालिकेला निवेदन देण्यात आले होते आणि मोर्चाचा ईशारा देण्यात आला होता.  आनंद सोलापूरकर -सरकार यांना त्यांच्या जागेतून पाईपलाईन घालण्याची विनंती केली होती. त्यांनी परवानगी दिल्याने दुरुस्तीसह पाईपलाईन घालण्याचे काम झाले आहे. यामुळे नियोजित मोर्चा रद्द करण्यात आला आहे. 
तात्काळ दुरुस्ती झाल्याने नागरिकांतून समाधान व्यक्त होत आहे. आता मिळणारे पाणी सुरळीत पुरवठा करण्याची मागणी नागरिकांनी केली आहे. यावेळी नगरपालिका आयुक्त गणपती पाटील, पाणीपुरवठा विभागाचे इन्चार्ज प्रवीण कनगले, अभियंते पठाण व कर्मचारी उपस्थित होते. 
----