विजेच्या धक्क्याने एकाचा मृत्यू

बेळगाव : विजेच्या धक्क्याने एका तरुणाचा मृत्यू झाला. आज, शुक्रवार दिनांक 24 ऑक्टोबर रोजी बंबर्गे येथे ही घटना घडली. अमोल विवेकानंद जाधव उर्फ ​​‘लालू’ (वय 43,
राहणार-रामनगर, कंग्राळी खुर्द, बेळगाव) येथे ही घटना घडली.

अमोल विवेकानंद जाधव या तरुणाचा बंबर्गे गावात पोल्ट्री फार्म आहे. तो पत्नीसमवेत पोल्ट्री फार्ममध्ये कोंबड्यांना खाद्य आणि पाणी देण्यासाठी गेला होता. दुपारच्या दरम्यान जोरदार पाऊस झाला. यावेळी पाण्याची मोटार सुरू करताना त्याला विजेचा जोरदार धक्का बसला आणि तो जागीच कोसळला. त्यावेळी काही अंतरावर उभ्या असलेल्या त्याच्या पत्नीने ही घटना पाहिली आणि तिने आरडाओरडा केला. यावेळी आसपासचे लोक जमा झाले. मात्र, तोपर्यंत अमोल संपला होता. नातेवाईकांना फोनवरून घटनेची माहिती देण्यात आली.
शनिवारी 25 ऑक्टोबर रोजी जिल्हा इस्पितळात शवविच्छेदन करून मृतदेह नातेवाईकांच्या ताब्यात दिला जाणार आहे. त्यानंतर सकाळी 11 वाजता अंत्यसंस्कार केले जाणार आहेत.
त्यांच्या पश्चात पत्नी, मुलगा, आई-वडील, भाऊ आणि विवाहित बहीण असा परिवार आहे.