मंत्री सतीश जारकीहोळी यांची लोकअदालत : ऐकल्या लोकांच्या तक्रारी

बेळगाव : सार्वजनिक बांधकाम खात्याचे मंत्री सतीश जारकीहोळी  यांनी शहरातील काँग्रेस कार्यालयात नागरिकांच्या तक्रारी आणि समस्या  ऐकून घेतल्या. तसेच विविध विभागांशी संबंधित प्रश्नांची माहिती घेत संबंधित अधिकाऱ्यांशी चर्चा करून आवश्यक ती कार्यवाही करण्याचे आश्वासन त्यांनी दिले.

मंत्र्यांना भेटण्यासाठी आलेल्या नागरिकांनी पिण्याच्या पाण्याची समस्या, रस्ते, मूलभूत सुविधा तसेच इतर सार्वजनिक प्रश्नांबाबत निवेदने सादर केली.
दरम्यान, जिल्हाधिकारी कार्यालयातही मंत्री जारकीहोळी यांची भेट घेण्यासाठी नागरिकांनी गर्दी केली. पाणीपुरवठा, रस्ते, पायाभूत सुविधा, महसूल विभाग तसेच इतर शासकीय विभागांशी संबंधित विविध समस्यांबाबत त्यांनी निवेदने दिली.
प्रत्येक तक्रार काळजीपूर्वक ऐकून घेत मंत्री जारकीहोळी यांनी संबंधित अधिकाऱ्यांशी समन्वय साधून प्राधान्यक्रमाने समस्यांचे निराकरण करण्यासाठी आवश्यक उपाययोजना केल्या जातील, असे आश्वासन दिले.
यानंतर त्यांनी पक्षाच्या कार्यकर्त्यांसोबत बैठक घेऊन संघटनात्मक आणि राजकीय विषयांवर चर्चा केली.
बैठकीत पक्षाच्या उपक्रमांबाबत, आगामी कार्यक्रमांबाबत तसेच मतदारसंघातील विकासकामांबाबत कार्यकर्त्यांची मते जाणून घेत मंत्री जारकीहोळी यांनी पक्ष संघटना अधिक मजबूत करण्यासाठी सक्रियपणे कार्य करण्याचे आवाहन केले. यावेळी आमदार आसिफ उर्फ राजू सेठ (Asif Sait ) उपस्थित होते.

#satishjarakiholi 
#mlaAsifSait
#CongressOffice 
#PWDMinister