बेळगाव डीसी कार्यालयाच्या नूतनीकरण कामांची मंत्री सतीश जारकीहोळी यांनी केली पाहणी

बेळगाव : बेळगाव जिल्हाधिकारी कार्यालयाच्या आवारात सुरू असलेल्या नूतनीकरण तसेच विविध विकासकामांची सार्वजनिक बांधकाम मंत्री सतिश जारकीहोळी (Satish Jarkiholi ) यांनी  प्रत्यक्ष भेट देऊन पाहणी केली.

कार्यालय परिसराचे सुशोभीकरण आणि नागरिकांसाठीच्या सुविधांमध्ये वाढ करण्यास सरकारने प्राधान्य दिले असून, सर्व कामे दर्जेदार पद्धतीने आणि निर्धारित मुदतीत पूर्ण Supefitendentofpकरण्याच्या सूचना मंत्र्यांनी संबंधित अधिकाऱ्यांना दिल्या.
सुसज्ज रस्ते व प्रशस्त पार्किंग व्यवस्था
जिल्हाधिकारी कार्यालयात दररोज शेकडो नागरिक विविध कामांसाठी येत असल्याने त्यांना कोणतीही अडचण होऊ नये यासाठी संपूर्ण परिसराचा विकास आराखडा तयार करण्यात आला आहे. कार्यालयाच्या आवारात सुसज्ज रस्त्यांची उभारणी तसेच नागरिकांच्या वाहनांसाठी प्रशस्त पार्किंगची व्यवस्था करण्यात येत असल्याची माहिती जिल्हाधिकारी मोहम्मद रोशन ( Mohammed Roshan) यांनी नकाशाच्या माध्यमातून मंत्र्यांना दिली.
यावेळी जिल्हाधिकारी मोहम्मद रोशन, जिल्हा परिषद मुख्य कार्यकारी अधिकारी राहुल शिंदे (Rahul Shinde), जिल्हा पोलीस अधीक्षक के. रामराजन (K. Ramarajan) तसेच सार्वजनिक बांधकाम विभागाचे वरिष्ठ अधिकारी उपस्थित होते.

#SatishJarkiholi #DCOffice 
#MohammedRoshan
#RahulShinde
#KRamarajan
#PwdMinister 
#DistrictCollector 
#zpceo 
#sp