डिकेशींच्या मंत्रिमंडळात सावकार ..!  बेळगावात समर्थकांनी केला जल्लोष ..!!

बेळगाव : राज्याच्या राजकारणातील महत्त्वाच्या घडामोडीत डी. के. शिवकुमार यांच्या नेतृत्वाखालील मंत्रिमंडळात  सतीश जारकीहोळी यांचा अधिकृत समावेश करण्यात आला आहे. राजभवनात मान्यवरांच्या उपस्थितीत झालेल्या समारंभात त्यांनी मंत्रीपदाची शपथ घेतली.

सतीश जारकीहोळी यांनी मंत्रीपदाची सूत्रे स्वीकारताच त्यांच्या मातृजिल्हा बेळगावात उत्साहाचे वातावरण निर्माण झाले. कार्यकर्ते आणि समर्थकांनी मोठ्या जल्लोषात आनंदोत्सव साजरा केला.

सतीश जारकीहोळी यांच्या शपथविधीची बातमी समोर येताच बेळगावातील कित्तूर राणी चन्नम्मा सर्कल येथे जारकीहोळी समर्थक आणि काँग्रेस कार्यकर्त्यांची मोठी गर्दी जमली. यावेळी समर्थकांनी  फटाक्यांची आतषबाजी करून मिठाईचे वाटप केले. तसेच घोषणाबाजी करून आनंद व्यक्त केला.

समर्थकांनी सतीश जारकीहोळी यांच्या छायाचित्रांचे झेंडे हातात घेऊन “आमच्या नेत्याचा विजय असो”  तसेच “बेळगावच्या सावकारांना जय असो” अशा घोषणा दिल्या. त्यामुळे संपूर्ण परिसर उत्साहाने दुमदुमून गेला होता.
यावेळी मुस्ताक जमादार, सतीश यरगंबळीमठ, ज्योतिबा गुत्तेनवर, तेजस कोळणकर यांच्यासह अनेक कार्यकर्ते आणि समर्थक उपस्थित होते.