अंधश्रद्धा ही घातक ; अंधश्रद्धेचे उच्चाटन गरजेचे : मंत्री लक्ष्मी हेब्बाळकर

BN7 News : अंधश्रद्धा ही घातक ठरते. यासाठी अंधश्रद्धेचे उच्चाटन होणे गरजेचे आहे, असे महिलां आणि बालकल्याण खात्याच्या मंत्री लक्ष्मी हेब्बाळकर म्हणाल्या.

महिला दिनाचे औचित्य साधून जीडी मीडिया हाऊस यांच्या वतीने बेंगळूर येथील एका खाजगी हॉटेलमध्ये मंत्री लक्ष्मी हेब्बाळकर यांना 'साधकी' पुरस्कार देऊन गौरविण्यात आले. या पुरस्कार वितरण सोहळ्यात मंत्री लक्ष्मी हेब्बाळकर बोलत होत्या.

गावागावात आणि गल्लो -गल्लीत आजही अंधश्रद्धेचे प्रकार पहावयास मिळतात. अंधश्रद्धेमुळे माणसाचा आत्मविश्वास ढासळतो, प्रगती खुंटते. यामुळे अंधश्रद्धेचे उच्चाटन होणे काळाची गरज आहे. असे महिलां आणि बालकल्याण खात्याच्या मंत्री लक्ष्मी हेब्बाळकर म्हणाल्या. यावेळी त्यांनी अंधश्रद्धेला जीवनातून कडेलोट करण्याचे आवाहन महिलांना केले.

आज महिला या अबला राहिल्या नाहीत तर त्या सबला बनल्या आहेत. पुरुषांच्या खांद्याला खांदा लावून त्या समाजात कार्य करतात. आज महिलांनी सर्व क्षेत्रे काबीज केली आहेत. घर आणि मूल सांभाळता त्यां समाजातही खंबीरपणे उभ्या आहेत, हे प्रशंसनीय आहे, असेही लक्ष्मी हेब्बाळकर म्हणाल्या

महिलांनी स्वतःला सक्षम बनविले पाहिजे. आपल्या मुलांना गुणवत्तापूर्ण आणि उच्च शिक्षण देऊन त्यांनी घडवावे असे आवाहनही त्यांनी महिला भगिनींना केले.

यावेळी महिला आयोगाच्या अध्यक्षा डॉ. नागलक्ष्मी चौधरी, वरिष्ठ पोलीस अधिकारी अशोक कुमार, चित्रपट अभिनेते अनिरुद्ध जतकर, अभिनेत्री संपदा, जीडी मीडिया हाऊसच्या व्यवस्थापकीय संचालिका अनिता गौडा, हेमा सागर उपस्थित होत्या.