कर्ले प्राथमिक मराठी शाळेला यंदाचा तालुका आदर्श शाळा पुरस्कार प्राप्त

बेळगाव ( bn7 news) कर्ले येथील सरकारी प्राथमिक मराठी शाळेला यंदाचा तालुका आदर्श शाळा पुरस्कार प्राप्त झाला आहे.
गांधी भवन, बेळगाव येथे झालेल्या कार्यक्रमात शाळेला हा पुरस्कार देण्यात आला.

शाळेने साधलेला सर्वांगीण विकास आणि शाळेच्या वतीने राबविण्यात आलेले विविध उपक्रम, याची दखल घेत शाळेला हा पुरस्कार प्रदान करण्यात आला.

तालुक्याच्या पश्चिम भागातील कर्ले शाळेचा कायापालट करण्यात आलेला आहे. या शाळेतही उत्तम शिक्षण देण्यात येते. तसेच शाळेचा सर्वोतोपरी विकास करण्यात आला आहे एसडीएमसी कमिटीचे सदस्य यासाठी अथक परिश्रम घेतात. त्यामुळेच या शाळेचा विकास झाला आहे.
या कार्याची पोचपावती म्हणून गटशिक्षणाधिकारी, क्षेत्र शिक्षणाधिकारी व ईतर मान्यवरांच्या हस्ते कर्ले शाळेला यंदाचा तालुका आदर्श शाळा पुरस्कार देण्यात आला.

यावेळी शाळेचे मुख्याध्यापक, शाळा सुधारणा आणि व्यवस्थापन समितीचे अध्यक्ष, सर्व सदस्य आणि शिक्षक उपस्थित होते.