22 च्या कन्नड सक्तीविरोधी मोर्चासाठी जांबोटीत समितीची जनजागृती मोहीम

खानापूर : येत्या 22 जून रोजी महाराष्ट्र एकीकरण समिती (एमईएस) तर्फे बेळगाव जिल्हाधिकारी कार्यालयासमोर आयोजित करण्यात आलेल्या  ‘कन्नड सक्तीविरोधी मोर्चा 'च्या पार्श्वभूमीवर सीमाभागात तयारीला वेग आला आहे. या भव्य आंदोलनाच्या यशस्वी आयोजनासाठी आज खानापूर तालुका समितीने जांबोटी परिसरात व्यापक जनजागृती मोहीम राबविली.

महाराष्ट्र एकीकरण समितीच्या नेतृत्वाखाली 22 जून रोजी होणाऱ्या या मोर्चाच्या यशासाठी मंगळवार, 16 जून रोजी जांबोटी बाजारपेठ परिसरात खानापूर तालुका समितीच्या वतीने मोठ्या प्रमाणावर जनजागृती पत्रकांचे वितरण करण्यात आले. सीमाभागातील मराठी भाषिकांनी हजारोंच्या संख्येने या आंदोलनात सहभागी होऊन मोर्चा यशस्वी करावा, असे आवाहन समितीच्या पदाधिकाऱ्यांनी यावेळी केले.
या जनजागृती मोहिमेत माजी जिल्हा परिषद सदस्य विलासराव बेळगांवकर, जयराम देसाई, माजी सभापती मारुती परमेकर, खानापूर तालुका समितीचे अध्यक्ष गोपाळराव देसाई, सरचिटणीस आबासाहेब दळवी, युवा समितीचे अध्यक्ष धनंजय पाटील तसेच डी. एम. भोसले गुरुजी यांच्यासह अनेक समिती कार्यकर्त्यांनी सहभाग घेतला. यावेळी त्यांनी नागरिकांमध्ये मोर्चाबाबत जनजागृती करून मोठ्या संख्येने सहभागी होण्याचे आवाहन केले.